New Executive Committee 2019-2022

5-મે-2019

ઍકેડેમીના બંધારણ પ્રમાણે દર ત્રણ વરસે સાત સભ્યોની એક નવી કાર્યવાહી સમિતિ (Executive Committee) ચૂંટવાની હોય છે. 2019ના આ વર્ષની ચૂંટણીના Election Commissioner ડૉ. સુનિલ શાહની દેખરેખ નીચે ત્રણ વરસની મુદત માટે બીન-હરીફ ચૂંટાયેલી નવી કાર્યવાહી સમિતિ આ પ્રમાણે છેઃ

પ્રમુખ          રામ ગઢવી
ઉપ-પ્રમુખ   આશિષ દેસાઈ
મંત્રી            જસવંત મોદી
ખજાનચી     ગૌરાંગ મહેતા
સભ્ય           ગીની માલવિયા
સભ્ય           હરીશ રાવલિયા
સભ્ય           ડૉ. કુસુમ શાહ

સાત સભ્યોની આ ચૂંટાયેલી સમિતિની નિમણૂક 1-જૂન-2019થી 31-મે-2022 સુધી અમલમાં રહેશે. આ ઉપરાંત બંધારણમાં બે વધુ સભ્યોને નીમવાની (co-opt કરવાની) જોગવાઈ છે જેમનાં નામ આ પછી જણાવશું.

2019ની ચૂંટણીનું પરિણામ જાહેર કરતો ડૉ. સુનિલ શાહનો પત્ર જોવા આ સાથેની attachment ખોલશો.

નવી સમિતિની રાહબરી નીચે આવતાં ત્રણ વર્ષમાં ઍકેડેમી વધુને વધુ પ્રવૃત્તિ કરી શકે એ માટે આપ સહુનાં શુભેચ્છા અને સહકાર માગીએ છીએ. ઍકેડેમીની પ્રવૃત્તિને લગતાં આપનાં કોઈ પણ સૂચનો રામ ગઢવીને ramgadhavi@glaofna.com પર ઈ-મેઇલથી મોકલવા વિનંતિ છે.

નવી કાર્યવાહી સમિતિ વતી,
રામ ગઢવી

 

Advertisements

ચૂંટણી – કાર્યવાહી સમિતિ 2019-22

ગુજરાતી લિટરરી ઍકેડેમી ઓફ નોર્થ અમેરિકાના બંધારણ પ્રમાણે દર ત્રણ વરસે થતી કાર્યવાહી સમિતિની ચૂંટણીનો સમય આવી ગયો છે. 2019-2022 માટેની નવી સમિતિના સાત હોદ્દેદારોની ચૂંટણી માટે ઊભા રહેવા માગતા સભ્યોને એમના દરખાસ્ત પત્રો આ સાથેની સૂચના અનુસાર સમયસર મોકલી આપવા માટે વિનંતિ છે.

ચૂંટણીની વ્યવસ્થા સમજાવતો પત્ર અને હોદ્દેદાર-દરખાસ્ત માટેનું ફોર્મ આ ઇમેઇલ સાથે મોકલીએ છીએ. ચૂંટણીમાં ઊભા રહેવા માગનાર સભ્યોને વિનંતિ છે કે દરખાસ્તનું ફોર્મ છાપી, સૂચના પ્રમાણે એને ભરીને ટપાલથી અથવા ઈમેઇલથી ચૂંટણી નિયામકને સમયસર મોકલી આપે.

આ ચૂંટણીની દેખરેખ માટે નિયામક તરીકેની જવાબદારી ઍકેડેમીના લાંબા સમયથી સભ્ય ડૉ. સુનિલ શાહે સંભાળી છે. આ સાથેના પત્રમાં સમજાવેલા સમયપત્રક પ્રમાણેની વ્યવસ્થામાં સુનિલભાઈને આપનો સહકાર મળે એવી અપેક્ષા છે.

ચૂંટણીમાં ઊભા રહેનાર દરેકને અમારી શુભેચ્છાઓ.

નીચેની કોઈ એક લિંક પર ક્લિક કરોઃ

 Election 2019 Schedule and Call for Nominations

Nomination Form

 

અગિયારમું દ્વિવાર્ષિક સાહિત્ય સંમેલન

મિત્રો,

સહર્ષ જણાવીએ છીએ કે આપણી ગુજરાતી લિટરરી ઍકેડેમી ઓફ નોર્થ અમેરિકાનું અગિયારમું દ્વિવાર્ષિક સંમેલન 7-8-9 સપ્ટેમ્‍બર 2018ના દિવસો દરમ્યાન યોજાયું છે. સંમેલન સ્થળ ફેરબ્રિજ હોટેલ અને કૉન્ફરન્‍સ સેંટર, ઈસ્ટ હૅનોવર, ન્યુ જર્સી રહેશે.

આ સાથે સંમેલનને લગતા ત્રણ દસ્તાવેજ મોકલીએ છીએ જેમાંનો એક સંમેલનનું રજિસ્ટ્રેશન ફોર્મ છે. વિનંતિ છે કે સંમેલનમાં જોડાવા ઇચ્છતા હોય તે પોતાનું રજિસ્ટ્રેશન વહેલામાં વહેલી તકે મોકલી આપે અને વહેલા રજિસ્ટ્રેશન માટેના ખાસ ઘટાડેલા દરનો લાભ લે.

આપનું રજિસ્ટ્રેશન સત્વર મેળવવા, અને સંમેલનમાં આપને આવકારવા આતુર,

રામ ગઢવી

વધુ માહિતિ અને ફોર્મ્સ જોવા/ડાઉનલોડ કરવા નીચેની લિંક્સ વાપરોઃ

Sammelan 2018 Initial Announcement

2018 Sammelan Registration and Mem-application

2018 Sammelan Hotel Reservation Info

‘સૂર સુકોમળ’ 14 જુલાઈ, 2018

સંવેદનાની જુગલબંધી

શ્રી નિરંજન ભગતનું દુઃખદ નિધન

મિત્રો,

ઘણા ખેદથી જણાવીએ છીએ કે ગુજરાતને અને આખા જગતના સાહિત્યવિશ્વને એક મોટી ખોટ પડી છે. જેમના સાહિત્યપ્રદાનને વર્ણવતાં કોઈ જ વિશેષણો ઓછાં પડે એવા ગુજરાતી અને અંગ્રેજી ભાષા તથા સાહિત્યના અપ્રતિમ વિદ્વાન અને શિક્ષક, મુર્ધન્ય સાહિત્યકાર શ્રી નિરંજન ભગતને આપણે ગુમાવી બેઠા છીએ.

શ્રી નિરંજન ભગત
(1926-2018)

ભગત સાહેબના હુલામણા નામથી ઓળખાતા નિરંજનભાઈને સાહિત્ય પરિષદ ખાતેની એક લાંબી બેઠક દરમ્યાન જ સ્ટ્રોક આવવાથી ત્યાંથી સીધા જ હોસ્પિટલ લઈ જવાયેલા. ત્યાં ચારેક દિવસ રહ્યા પછી ઘરે જઈને એમણે આ નશ્વર જગતને પહેલી ફેબ્રુઆરી 2018ની સાંજે છોડ્યું.

ભગત સાહેબે આપણી ઍકેડેમી પર ઘણો જ પ્રેમ દર્શાવીને આપણાં ત્રણ સંમેલનોમાં હાજરી આપેલી. એમણે મુખ્ય મહેમાનપદેથી આપેલું વક્તવ્ય ‘નિર્વાસનનું સાહિત્ય’ અને બે સંમેલનોમાં ઉમાશંકર જોશી વિષેનાં એમનાં પ્રવચનો એમની વિદ્વત્તાના પ્રતિકો હતાં. ઍકેડેમીની અંગ્રેજી ભાષાંતર માટેની યોજના માટે ‘હિમાલયનો પ્રવાસ’ પુસ્તકની સર્વાનુમતે પસંદગી કરવામાં પણ એ ભાગીદાર હતા.

‘ગીત પ્રેમનું આ પૃથ્વીના કર્ણપટે ધરવા આવ્યો છું’ કહેનાર ભગત સાહેબ પરમ પ્રેમ અને શાંતિને પામો.

રામ ગઢવી

ગાંધીબાપુનાં સંભારણાં

સંબંધોની સૂરાવલિ – પાર્થ અને સંજય ઓઝા

સફર સૂર-વૈભવી

શ્રી ઉત્કર્ષ મઝુમદાર અને શ્રી મીનળ પટેલ