Gujarati Literary Academy of N.A.

The Big Idea is to Promote Gujarati Literature

Archive for માર્ચ, 2010

જોસેફ મૅકવાન(1935-2010)ની દુ:ખદ વિદાય

Posted by ઊર્મિ on માર્ચ 29, 2010

મિત્રો,

એક આઘાતજનક સમાચાર આપવાના છે. ૨૮ માર્ચ, ૨૦૧૦ની વહેલી સવારે શ્રી જોસેફ મૅકવાને આપણી વચ્ચેથી કાયમી વિદાય લીધી છે. ઉચ્ચ કોટિના આ રેખાચિત્ર-નવલકથા-નવલિકા સર્જકના અવસાનથી ગુજરાતી સાહિત્યજગતને એક મોટી ખોટ પડી છે.

ઍકેડેમીના સપ્ટેમ્બર ૨૦૦૮ના સાહિત્ય સંમેલનમાં જોસેફભાઈને આમંત્રિત મહેમાન તરીકે સત્કારવાની આશા હતી પણ એમને અમેરિકન વીઝા ન મળતાં ‘ફરી કોઈ વાર’ કરીને મન મનાવી લીધેલું. પણ એ આશા તો નઠારી જ નીવડી.

સ્વામી આનંદ ‘ટીંબાનો ઉપદેશ’માં ઈશુને ટાંકે છેઃ ‘… જિણ્યે દીનદખિયાંવને, પાપિયાંપતિયાંવને હાર્યેં બેસીને દલાસા દીધાં હશે, જિણ્યે નોંધારાંવને હાથ દેવા જીવતર સોંઘાં કર્યાં હશે — તીનેં જ પોરસ કરીને બથમાં લેવા મારો રામ સામો ધૉડશે.’ ઉપેક્ષિત-દલિત-પીડિતોની યાતનાને વાચા આપનાર જોસેફભાઈને એ રામધણી જરૂર એક ગાઉ સામો મળ્યો હશે.

જોસેફભાઈનાં પત્ની રેજીનાબહેન અને કુટુંબીજનોને આ આઘાત સહન કરવાની શક્તિ મળો એ જ પ્રાર્થના.

રામ ગઢવી

Posted in સમાચાર | 1 Comment »